ஐம்புலன்கள் -சசி

அறிந்த முதல் ஸ்பரிசம்
தலைப்பிடித்திழுத்த செவிலியின்
சொரசொரத்த கைவிரல்கள் ..

தெரிந்த முதல் மணம்
அணைத்து பிடித்த அப்பச்சியின்
அக்குள் வியர்வை...

உணர்ந்த முதல் சுவை
அம்மையின் வற்றிய மார்பில்
பற்றிக்குடிதத முலைப்பால்..

கேட்ட முதல் ஓசை
எங்கோ வெடித்துச் சிதறிய
வெடிகுண்டு சத்தம் ...

கண் திறந்து கண்ட
முதல் காட்சி
குண்டுகள் துளைத்து சாய்ந்த அப்பனின்
நெஞ்சில்
கொப்புளித்துப் பொங்கிய
குருதிப்புனல்!

நான்
ஒரு யுத்த பூமியின்
வெட்டவெளியில் பிறந்த ஒரு
ஈழக்குழந்தை.... .