இணைப்புகள்

இணைப்புகள் பலமுறை
துண்டிக்கப்பட்டன..
சிலசமயம் தொலைபேசி இணைப்புகள்..
மக்கள் மீண்டும் கடிதம்
எழுத தொடங்கினார்கள்..

பலசமயங்களில் மின்சாரம்..
நகரங்கள் இருளில் மூழ்கின.

இதனால் பெருகிய சில விஷயங்கள்..
மெழுகுவத்தி மற்றும் கொசுவத்திசுருள் வியாபாரம்..
மேலும் மக்கள் தொகை..

சிலநேரங்கள்
கேபிள் டிவி இணைப்பு துண்டிப்பு
அப்போதெல்லாம் குடும்பத்தினர்
தங்களுக்குள் பேசிக் கொண்டனர்..

துண்டிப்புகளால் பலசமயம் நமக்கு
விளைந்தது நன்மையே!
பிறந்ததும் அன்னையிடமிருந்து நம்மைப்
பிரித்த தொப்புள்கொடி இணைப்பின் துண்டிப்பு உட்பட!

போலி டாக்டர்ஸ் உஷார்!!

அவர் போலி டாக்டர்னு எப்படி சொல்றே?

பின்னே என்ன சார். என்னோட பிளட் டெஸ்ட் ரிபோர்ட்ட
பார்த்துட்டு கங்க்ராஜூலேசன் நீங்க பர்ஸ்ட் கிளாஸ்ல்
பாஸ் ஆயிட்டீங்கன்னு சொல்றார்!

அவர் போலி டாக்டர்னு எப்படி கண்டு பிடிச்சீங்க?

என்னோட சுகர் லெவல் என்னன்னு கேட்டா அரை கிலோ
ஜாஸ்தியா இருக்குன்னு சொல்லிட்டார்

அவர் போலி டாக்டர்னு எதை வெச்சு சொல்றீங்க?

நம்ம ரமேசுக்கு தலை சுத்தல் மயக்கம் வாமிட்டிங்க் இருந்துது
அந்த டாக்டர் செக் பண்ணிட்டு கங்க்ராஜூலேசன் நீங்க அப்பா ஆகப்போறீங்கண்ணு சொன்னார்..

என்ன சொல்லுறே! அவர் போலி டாக்டரா?

பின்னே என்ன சார் கிட்னில கல் இருக்குன்னு சொன்னா
வாட் மிஸ்டர் கொஞ்சம் சமைக்கருதுக்கு முன்னாடி கேர்புல்லா
இருக்க வேண்டாமா! பரவாயில்லை.. கல்லை எடுதது போட்டுட்டு சாப்பிடுங்கண்ணு சொல்றார்...

அவர் போலி டாக்டர்னு எதை வெச்சு சொல்றீங்க!

பிரஷர் அதிகமாயிடுச்சின்னு சொன்னதுக்கு குக்கர்ல வெயிட்ட போட்டுட்டு காஸ்ஸ உடனே ஆஃப் பண்ணிடுங்ண்ணு சொன்னார்

அவர் போலி டாக்டர்னு எப்படி கண்டு பிடிச்சீங்க?

பல்ல பிடுங்கப்போனா கமர்க்கட்டு, மைசூர் பாக்கு எல்லாம் கொடுத்து கடிச்சி சாப்பிடுங்க பல்லு தானா விழுந்துடும்னு சொல்றார்

அவர் போலி டாக்டர்னு எப்படி சொல்றே?

பின்னே என்ன சார்... என்னோட மனைவிக்கு டிவின்ஸ் பிறந்ததும் நீங்க எப்பயாவது ரெட்டை வாழைப்பழம் சாபிட்டீங்களாண்ணு கேக்கிறார்1.


அவர் போலி டாக்டர்னு எப்படி கண்டு பிடிச்சீங்க?

ஜுரம் செக் பண்றதுக்கு தர்மா மீட்டர் வெச்சிட்டு எடுத்து அதை ஸ்கேல் வெச்சு அளந்து பார்த்து எனக்கு நாலு இன்ச் ஜுரம் இருக்குன்னு சொன்னாரே!

ஐம்புலன்கள் -சசி

அறிந்த முதல் ஸ்பரிசம்
தலைப்பிடித்திழுத்த செவிலியின்
சொரசொரத்த கைவிரல்கள் ..

தெரிந்த முதல் மணம்
அணைத்து பிடித்த அப்பச்சியின்
அக்குள் வியர்வை...

உணர்ந்த முதல் சுவை
அம்மையின் வற்றிய மார்பில்
பற்றிக்குடிதத முலைப்பால்..

கேட்ட முதல் ஓசை
எங்கோ வெடித்துச் சிதறிய
வெடிகுண்டு சத்தம் ...

கண் திறந்து கண்ட
முதல் காட்சி
குண்டுகள் துளைத்து சாய்ந்த அப்பனின்
நெஞ்சில்
கொப்புளித்துப் பொங்கிய
குருதிப்புனல்!

நான்
ஒரு யுத்த பூமியின்
வெட்டவெளியில் பிறந்த ஒரு
ஈழக்குழந்தை.... .